عەباس جەلیلیان ناسراو بە ئاکۆ، نووسەر و فەرهەنگنووس و لێکۆڵەری فۆلکلۆری کوردی ئێرانییە و خەڵکی کوردستانی ئێرانە. لە ١٤ی کانوونی دووەمی ساڵی ١٩٧٠ لە شاری ئیسلاماباد غەرب لە پارێزگای کرماشان لە دایکبووە. جەلیلیان بە فەرهەنگی کوردی-کوردی-فارسی بەناونیشانی “فەرهەنگ باشور” ناسراوە، کە 68 هەزار وشەی زاراوەی جۆراوجۆری کوردی لەخۆگرتووە. بەرهەمە دیارەکانی دیکەی بریتین لە کۆمەڵەی پێنج بەرگیی “زارینە و سیمینە” (لێکۆڵینەوەیەک لە فۆلکلۆری کوردی لە کرماشان)، “تاریخانە” (بەرهەمێکی لێکۆڵینەوە لە مێژوو و جوگرافیای کرماشان)، کۆمەڵە کورتە چیرۆکی کوردی “ڕەنگەمە”، و یەکەمین ڕۆمانی کوردی لە کرماشانەوە بە ناوی “ئاگەر مەلوچ”. لە ساڵی 2019 خەڵاتی ئەدەبی باشور بەدەست دەهێنێت، لە ساڵی 2023یش خەڵاتی بەناوبانگی “خالەت-بەلا”ی وەرگرتووە. جەلیلیان لە ساڵی ٢٠٠٩ دەستگیرکرا و دوای دوو مانگ دەستبەسەرکردن، بە تۆمەتی “چالاکی پەیوەست بە سیخوڕی” سزای ١٥ مانگ زیندانی بەسەردا سەپێندرا.
49 کتێب دەزگایەکی چاپ و بڵاوکردنەوەی دەرەوەی وڵاتە، سەرەتای ساڵی 2021 لە وڵاتی سوید دامەزراوە. ئامانجی سەرەکی ئەم ناوەندە بڵاوکردنەوەی کتێب و گۆڤار و بەرهەمی هونەری و ئەدەبی کوردییە لە دەرەوەی وڵات.
49 کتێب دەزگایەکی چاپ و بڵاوکردنەوەی دەرەوەی وڵاتە، سەرەتای ساڵی 2021 لە وڵاتی سوید دامەزراوە. ئامانجی سەرەکی ئەو ناوەندە بڵاوکردنەوەی کتێب و گۆڤار و بەرهەمی هونەری و ئەدەبی کوردییە لە دەرەوەی وڵات. بەتایبەت بڵاوکردنەوە و تۆمارکردنی ئەو بەرهەمانە لە کتێبخانەکانی جیهان و بەتایبەتی ئەوروپا.
